Тыва херээжен кижиниң каасталгазы – сырга

Сүт-Хөл кожууннуң уругларның үлегер-майыктың ном саңынга уругларга «Тыва херээжен кижиниң каасталгазы – сырга» деп лекцияны эртиргенин ном саңы дыңнаткан.

Кыс уругнун, бир харлыг чаш үезинде-ле, кулаан үттээш, үдү куйлавайн, дүрген эттинзин дээш, шай ыяжын суп каар турган. Оон кулаа эттине бээрге, бодуун бичии дээрбек мөңгүн сыргаларын кедирип каар.

Бичии, элээди, аныяк өгленмэн кыс уругларның каасталгалары анаа чиңге демирлерден ээй тыртып тургаш кылган борбак дээрбек болгаш сес деп сан хевирлиг бөдүүн сыргалар, билзектер болур.

13-14 хар чеде берген кыс уругларга шору нарын каасталгаларны кедирип эгелээр. А кудазында бай-шыырак улус аар өртектиг ак, кызыл шуруларлыг (жемчуг, агат, коралл), оюларлыг (бирюза) янзы-бүрү мөнгүн сыргаларны кедерлер. Ол каасталгаларны кырыгыже эдилээр.