Кызыл хоорайның 9 дугаар гимназиязынга республика чергелиг тыва национал оюннар турнирин Тываның Өөредилге яамызының деткимчези-биле чыл санында эрттирери чаңчыл болганын яамы дыңнаткан.
– Школачылар ортузунда тыва национал оюннар турнирин яамының деткимчези-биле бо дөрт дугаар чыл организастап эрттирип тур бис. Бистиң кол-ла сорулгавыс – уругларны болгаш аныяктарны чоннуң чаагай чаңчылдарын сагып, төрээн дылын утпас кылдыр өөредири база национал оюннарның дузазы-биле тыва чоннуң культуразын өөредилге албан черлеринге нептередири болур – деп, Национал школа хөгжүдер институттуң директору Елена Куулар демдеглээн.
Тыва национал оюннар турнирин Национал школа хөгжүдер институт эрттирип турарын сагындыраал.
Тыва национал оюннарны нептередир
25 февраля 2025
2