Тыва үндезин культура төвүнүң баштайгы аалчылары

Чаа 2024 чылда Тыва үндезин культура төвүнүң баштайгы аалчылары Кызыл кожууннуң Каа-Хем сумузунуң "Эврика" немелде өөредилге төвүнүң ойнаар-кыстар даарап өөренир бөлгүмүнүң кижизидикчилери болган.

Тыва төптүң ажылдакчызы өөреникчилерге тыва үндезин культураның дугайында тайылбырны чорудуп, «Онзагай салым-чаяанныглар» төлевилелдиң маадырларының дугайында документалдыг кинону көргүскен.

Черле тускай салым-чаяанныг шевер уруглар болганда, ук төлевилелдиң кинозун аажок улуг сонуургал-биле көргеннер.