Россияның Чазаа Тывада черлерни мелиорациялаар адырда ажылдарны кылырынга бадылаттынган акшаландырыышкын хемчээлинге немей сес сая ажыг рубльди берген. Россия Чазааның даргазы Михаил Мишустин ооң дугайында айтыышкынга атты салган.
Тыва 2023 чылдың төнчүзүнге чедир суггарылга системаларын катап тургузуп база тударынга ниитизи-биле 16,3 сая рубльди киирер. Ол акша-хөреңгини Бии-Хем биле Чаа-Хөл кожууннарда ниитизи-биле 714 гектар шөлдү катап ажыглалче киирер деп планнаан үш төлевилелди 2023 чылда доозарынче угландырар. «Малиновская» суггат системазын катап тургузар, октаттынган шөлдерни катап ажыглаар, оларны чашпандан, чадаң ыяштардан аштап, дескилей тырттып, довураан чардырар ажылдарны чорудар.
Тываның агаар-бойдузу кааңныг болганындан үнүш ажыл-агыйы чүгле суггаттыг черлерден дүжүттү алыры билдингир. Ынчангаш Тываның Баштыңы Владислав Ховалыг мурнады боттандырар ажылдарның бирээзинге суггаттыг шөлдерни улгаттырары хамааржыр деп демдеглээн. Сөөлгү чылдарда республикада 13 суггарылга системалары катап тургустунган. Суггаттыг ховуларның шөлү 9-тан 17 муң гектар хире.
2024 чылда суггаттыг черлерни ажыл-агыйларже катап эгидип, ажыглаар ажылдар уламчылаар: амгы үеде ниитизи-биле бир муң гектар ажыг шөлде дөрт мелиорация системаларын эде чаартыр төлевилелдер экспертизаны эртип турар. Тываның ол сорулгазынга келир чылдың федералдыг бюджединден 10,2 сая рубль көрдүнген.
Марат Хуснуллин: «Более 10 тыс. пространств благоустроено с 2025 года по национальному проекту «Инфраструктура для жизни»
В России продолжается масштабная работа по комплексному развитию городских и сельских территорий, что позволяет создавать новые точки притяжения для жителей и гостей и поддерживать локальную экономик…