Кызыдың 9 дугаар гимназиязында өөреникчилер аразында тыва улустуң оюннарынга республика чергелиг мөөрей эртип турарын Национал школа хөгжүдер институт дыңнаткан.
Мөөрейниң кол сорулгазы – оюннар таварыштыр улусчу чаңчылдарга, төрээн культурага болгаш дылга уругларны өөредип, кижизидери. Ук мөөрейни эрткен чылдың тиилекчизи болган Эрзин кожууннуң Бай-Даг ортумак школазы эрттирип турар.
Ыраккы Мөнгүн-Тайга кожууннуң өөрекникчилери база мөөрейде киржип турар. Мугур-Аксы суурнуң элээдилер төвүнүң башкызы Алена Монге хемчегниң дугайында.
– Мындыг мөөрей эртип турарынга канчаар-даа аажок өөрүп турар улус-тур бис. Эрткен чылгы мөөрейге үш класс өөреникчивис бодалажыырынга бирги черни алган. Бо удаа база багай эвес киржип тур бис. Тыва оюннарны школачылар аразынга нептередип турарынга Национал школа хөгжүдер институдунуң коллективинге четтиргенивисти илередир-дир бис. Черле ынчаш, тыва оюннарның кижиге ужур-дузазын санап четпес. Олар бичии уругларның дыл-домаан, угаан-медерелин сайзырадып, чараш чүүлге болгаш найыралга өөредип турар.
Тыва улустуң оюннарын школачылар аразынга нептередир мөөрей
29 февраля 2024
9