Тываның Чазаа «2025 чылда Тыва Республиканың муниципалдыг тургузуунуң эң эки ажылдыг чаңгыс аай дежурный-диспетчер албаны» ат дээш улуг көрүлде-мөөрейни чарлаан.
Ноябрьның 18-тен 21-ге чедир Чаңгыс аай дежурный-диспетчер албанының постуларының чогуур негелделерге дүгжүп турарынга хыналдалар болур. Мөөрей бүдүн республикада Чаңгыс аай дежурный-диспетчер албан черлериниң ажылының шынарынга чогуур демдектерни салыр. Мөөрей үезинде айыыл чок чорукту хандырар болгаш онза байдалдарга белеткел адырында ажыл-чорудулганың мурнакчы арга-дуржулгаларын боттандырарынга идигни бээр.
Тываның Хамааты камгалал болгаш онза байдалдар херектериниң талазы-биле албаны Россияның Онза байдалдар яамызының Тывада кол эргелели-биле кады көрүлде-мөөрейни удуртуп эрттирер. Муниципалдыг тургузугларның киирген материалдарын чыып, системажыдарын база олар харыылаар.
Муниципалдыг тургузуглар чагырга даргалары боттарының ажылдакчылары-биле Чаңгыс аай дежурный-диспетчер албанының ажыл-чорудулгазын үнелээр негелделерни өөренип сайгаргаш, кожуунунда албан черлеринге улуг хыналдаларны чорударын сүмелээн.
Мөөрей комиссиязы Чаңгыс аай дежурный-диспетчер албанының ажыл-чорудулгазының дугайында медээлерниң долу болгаш шынарын өөренгеш бадылаан негелделерге даянып, ноябрь 28-ке чедир тиилекчини болгаш шаңналче киргеннерни илередир. Ол негелделерниң аразында муниципалдыг тургузугнуң чаңгыс аай дежурный-диспетчер албанының хүн бүрүде ажыл-чорудулга документилериниң бары, кадрлар-биле четчелеттингени болгаш оларның билиг-мергежили, оран-саваның болгаш ону чепсеглээниниң нормативтерге дүгжүп турары, дыңнадыг болгаш мониторинг системаларының ажылдаары, болуп болгу дег онза байдалдарже ЧДДА-ның дүрген хөделири бар.
Тыва Республиканың Онза байдалдарны болдурбас болгаш оларны чайладар чаңгыс аай күрүне системазының девискээр иштики системазының 2025 чылда ажыл-чорудулгазын түңнеп турар үеде, мөөрейниң тиилекчилерин болгаш шаңналдыг черлерже киргеннерни шаңнап-мактаар.
