ТР-ниң Күрүнениң аңныыр комитединиң дыңнатканы-биле алырга, республикада бөрүлер аглаар 81 бригада ажылдап турар. Ында 513 аңчы хаара туттунган.
Кокайлардан ажыл-агыйларны камгалаары – мал кыштаглаашкынының чарылбас кезээ. Тывада көвүдээн бөрүлер малчыннарга улуг когаралды чедирип турар. Мал ажыл-агыйынга айыыл чок чорукту хандыраар дээш азыг диштиг араатан аңның санын өйлеп, тускай аглаашкынны чорудуп турар. Мал кыштаглаашкыны-биле кокай аглаашкыны база эгелээн.
ТР-ниң Күрүнениң аңныыр комитеди ноябрьның чүгле чаңгыс неделязында 14 башты, а бүдүн чылда 372 баш бөрзекти чок кылганын медеглээн.
Бөрүлер халдаашкынынга таварышкан малчыннар тус черниң инспектору-биле доп-дораан харылзажып азы ТР-ниң Күрүнениң аңныыр хайгааралының 8(39422)56160 дугаарлыг телефонунче долгаарын сүмелеп турар. Ол ышкаш албан чериниң албан езузунуң арыннарынче дыңнадыгларны киирип болур.