Эрткен неделяда Covid-19 хамчыындан аараан тос таварылга бүрүткеттинген. Халдавырлыг хамчыктан аарыыр чорук эвээжезе-даа, серемчилелди кошкатпас болза эки. Республикада короновирустуӊ «стелс-омикрон» хевиринден араан улус илерээнин сагындыраал.
Кызыл хоорайда – 3, Ак-Довурак хоорайда – 2, Барыын-Хемчикте – 2, Кызыл биле Эрзин кожууннарда 1-1 таварылга илереттинген.
Он сес кижи эмнедип турар, оларның сези чыдар эмнелгелерде. Мөчээн таварылгаларның чылдагаанын тодарадыр комиссияның медээзи-биле алырга, 2022 чылдың январь 1-ден бо хүнге чедир 46 кижи Covid-19 хамчыктыг аарыгдан чок болган.
Тывада Covid-19 хамчыынга удур коллективтиг иммунитет эвээжээн. Ооң уржуундан аарыгныӊ катап өөскүй бээриниӊ айыылы бар.
Тарылганың долу курузун 105814 кижи алган, а аарыгга удур коллективтиг иммунитет 51 хуу болуп турары – эвээш көргүзүг.
Эмнелгелерде ковидтээн кижилерниң 90 хире хуузу тарытпаан болуп турар. Бир эвес коронавирус хамчыынга удур тарылганы азы катап тарыдарын үе шаанда алган турган болза, ындыг таварылгалар болбайн-даа болуп болур турган.
Боттуң болгаш чоок кижилериниң кадыкшыл байдалынче онза кичээнгейни салып, аргалыг болза тарылганы салдырып алырынче чонну ТР-ниң Кадык камгалал яамызы биле Росхереглелхайгаарал кыйгырып тур.
Подростки в Туве смогут зарабатывать на карманные расходы в свободное время
Минтруд Тувы сообщил, что подростки в возрасте 14–18 лет смогут заработать на карманные расходы в свободное от учебы время.