Бөгүн республикага дыңнадыышкын чедирер системаның беленин хынаар комплекстиг хемчег 10.00 шак 30 минутадан 10.00 шак 48 минутага чедир эртерин Тываның Хамааты камгалал болгаш онза байдалдар херектериниң талазы-биле албаны медеглээн.
Республиканың хоорай, суурларының девискээринде база кудумчуларында үн күштелдирер дериг-херекселдерни ажылдадып, “сиренаны” алгыртыр.
“Шуптузунуң кичээнгейинге! Чурттакчы чонга дыңнадыышкын системазының техниктиг хыналдазы чоруп турар” деп медээни федералдыг дамчыдылгалар телеканалдарынга дамчыдар.
Тываның Хамааты камгалал болгаш онза байдалдар херектериниң талазы-биле албаны республиканың чурттакчы чонундан девидеп, дүвүревезин дилеп турар.
Тываның элээн каш кожууннарында чаъстар эгелээнинден мал чемин белеткээринге бергедээшкин тургустунуп болур
ТР-ниң Көдээ ажыл-агый болгаш аъш-чем яамызының дыңнатканы болза, малдың кыштаглаашкынын онча-менди ажарынга эвээш дизе-ле ниитизи-биле 221 муң тонна сиген-ширбиилди кезип белеткээр ужурлуг.