Ада-чурт хөл бөмбүүнүң100 чылынга тураскааткан эр болгаш херээжен командалар аразынга хөл бөмбүүнге чемпионатка 34 команда киришкен.
«Сүбедей» спорт өргээзинге үш хүн үргүлчүлээн маргылдааның ниити шаңнал фондузу – бир сая ажыг рубль.
«Тывада хол бөмбүү – спорттуң эң нептереңгей болгаш ынак хевири. Республикада хол бөмбүү сайзырап, спортчуларның белеткели чылдан чылче күштелип, маргылдаалар бедик деңнелде эртип турары канчаар-даа аажок ɵɵрүнчүг-дүр» – деп, ТР-ниң Дээди Хуралының Даргазы Кан-оол Даваа чугаалаан.
Чидиг демиселдиң түңнелинде, эр командалар аразынга бирги черде – «Дөгээ», ийиги болгаш үшкү черлерни Россияның Онза байдалдар яамызының Тывада Кол эргелелиниң командалары үлешкен.
Херээжен командалар аразынга бирги черге – Россияның Онза байдалдар яамызының Тывада Кол эргелели, ийиги черде – Кызылдың Төлээлекчилер хуралы, үшкү черге – «Чеди-Хаан» командаларының хол бөмбүкчүлери тергиидээн.
Протекает крыша в многоквартирном доме: что делать, куда обратиться
В Службу обращений столичной администрации нередко приходят жалобы от жителей многоквартирных домов на прохудившуюся кровлю.