Тывада инвестиция төлевилели-биле төпте дузалал станцияның күчүзүн 44 хуу улгаттырган

«Росчетки» инвестиция программаның боттандырылгазы-биле «Кызылская» дузалал станцияда 220 кВ чаа автотрансформаторну ажылдаткан.

Энергия объектизиниң күчүзү 44 хуу – 204 МВА чеде берген болгаш, Кызылдың хөй чурттакчылыг черлериниң чырык хандырылгазын экижидип, Тыва Республиканың төп, мурнуу базаа чөөн талада энергия черлерин хөгжүдеринге инфраструктура байдалын хандырган.

Владислав Ховалыг Тываның Баштыңы албан-дужаалга соңгуткан соонда, бир дугаарында республика хөгжүлдезин саадаткан чырык чедишпезиниң айтырыын ажылга алган. РФ-тиң Чазааның бадылааны хөй миллиард түңнүг төлевилели – Тыва Республиканың девискээринде үлетпүр болгаш социал адырларда энергия хандырылгазының инвестиция төлевилелдериниң комплекстиг планы езугаар дузалал станцияга улуг чаартылга ажылдарын 2022 чылда эгелээн.

125 МВА күчүлүг амгы үениң автотрансформаторун оон ийи катап кошкаак агрегаттың (63 МВА) орнунда салган. Чаа дериг-херексел идегелдиг, бичежек, камналгалыг. Российжи бүдүрүлгениң автотрансформатору чырыктың күжүн өйлээр амгы херекселдерлиг база соодар система-биле ниити чепсегленген.

Дузалал станцияның эде чаартылгазынга ниитизи-биле 5,3 млрд рубль көрдүнген. Улаштыр 125 МВА күчүлүг база бир автотрансформаторну салып, 40 МВА күчүлүг ийи трансформаторну кошкаш, октаг алыр төптүң ниити күчүзүн 330 МВА чедир улгаттырар.

220 кВ «Кызылская» дузалал станция Кызылдың чылыг-энергетика төвүн хандырып, бажыңнар база үлетпүр хереглекчилеринче кирип турар. Тываның 220 кВ «Шушенское-кол – Туран – Кызыл – Чадаана – Ак-Довурак – Абаза» энергия дээрбээнде "Кызылская" дузалал станция өзек адыр коштунган.

Энергетиктер «Кызылский» тудуун тудуп, аңаа 110 база 220 кВ болгаш 10-35 кВ элегаз хуваар комплект дериглерин эптеп тургузар. Муңгаш черге дериг-херекселдерни тургузары, ооң бойдустуң салдарындан технологтуг үрелиишкиннерин эвээжедир. Хоорай тудугларынга таарыштырган дериг-хергелелдиң ажыглалы эптиг, өртке удур айыыл чок, экологтуг арыг.