Тывада мал чемин белеткээр кампания доозулган

Республиканың Көдээ ажыл-агый яамызының медеглээни болза, 220 ажыг муң гектар черни кезип, 219 муң тонна сиген-ширбиилди бөлген. 226 594 тонна мал чеми белеткээр планны 107,5 ху күүседип, 243429 тонна чедирген.

Тываның шупту кожууннарны планныг онаалдазын күүсеткен. Мөңгүн-Тайга биле Эрзин кожууннар сиген-ширбиил шөлдери эвээш болганындан, эвээш мал чемин белеткээн. ТР-ниң Көдээ ажыл-агый яамызы ол муниципалитеттерни онза хыналдада салган. Албан чери мал чеминиң чедишпезин болдурбас дээш кожа кожууннардан база Красноярск край база Хакасиядан сиген садып алырын организастаан.

Көдээ ажыл-агый бүдүрүкчүлери 1 145 тонна сигенни муниципалдыг курлавырга белеткээр ужурлуг. Амдыызында планны 97 хуу күүседип, азы 1110,2 тонна курлавырны кылган.

Мал чеминиң белеткелде 842 тракторну, 490 чүък машиназын, 259 бөлер-тырыыр, 658 кезер база 393 дырбааштаар техника аймаан хаара туткан. Хову ажылдарынга үш муң ажыг кижи ажылдаан.

Көдээ ажыл-агый сайыды Юрий Оруспайның илеткелиниң соонда, Тываның Баштыңы Владислав Ховалыг хожудап турар муниципалитеттер мал чемин белеткелин доозар ужурлуг деп даалганы салган. Тус чер чагыргаларының даргалары мал чемниң шупту хевирлерин үе шаанда чыырын организастап, муниципалдыг курлавырже киирер.