Тывада одаар чүүл шыгжамырлары хөмүр-дашты садып эгелээн

ТР-ниң Энергетика болгаш чуртталга-коммунал ажыл-агый яамызы республика девискээринде одаар чүүл шыгжамырлары ажылдап эгелээнин дыңнаткан.

«Хөмүр-даш продукциязы» деп cpgu.rtyva.ru айтыгда Геоинформация системазында хууда кабинединде ажыткан тускай QR-код-биле хөмүр-дашты чиигелделиг өртекке садып ап болурун албан чери сагындырган.

Энергетика яамызы Кызыл хоорайда (Таежная кудумчузу 3а), Сүт-Хөлде (Суг-Аксы суурда Бюрбю кудумчузу), Чаа-Хөлде (Чаа-Хөл суурда Ленин кудумчузу 1), Бии-Хемде (Туран хоорайда Шоссейная 2Б), Таңдыда (Бай-Хаак суур, Шоссейная кудумчузу 1А), Эрзинде (Эрзин суурда Комсомольская кудумчузу 2), Тес-Хемде (Самагалтай суурда Промышленная кудумчузу 24/1) одаар чүүл шыгжамырларындан хөмүрнү август 28-те садып эгелээнин дыңнаткан.

Кызыл хоорайда (Калинин кудумчузу 17), Вавилин ээтпээ, 6-гы км-де база Каа-Хем кожуунда Сарыг-Сеп суурнуң Пушкин кудумчузу 186 дугаар бажыңда одаар чүүл шыгжамырлары август 29-та ажыттынган.

Август 31-де Мөңгүн-Тайга кожууннуң Мугур-Аксы суурнуң Кула кудумчузунуң 29 дугаар бажыңында одаар чүүл шыгжамыры ажылын эгелээр.

Кызыл хоорайда дараазында адрестерде одаар чүүл шыгжамырлары сентябрь 2-ден ажылын катап эгелээр: Мир кудумчузу, б. 11А; Подгорная, б. 39; Комсомольская, б. 97; Вавилин ээтпээ, Светлая, б. 45; Энергетикте, б. 5/2.

Бай-Тайга кожуунда Тээли суурда (Комсомольская, б. 32), Чөөн-Хемчик кожуунда Чадаана хоорайда (Подгорная, б. 18), Барыын-Хемчик кожуунда Кызыл-Мажалык суурнуң Чүргүй-оол кудумчузунда дугаары чок база Коммунальная кудумчузунда, б. 12а-да. Улуг-Хем кожуунда: Шагаан-Арыг хоорай, Энергетиктер кудумчузу, б. 1-де. Сүт-Хөл кожуунда Суг-Аксы суурнуң Эки турачылар кудумчузунда, б. 5. Кызыл кожуунда: Каа-Хем суурнуң Академик Обручев кудумчузунда.

ТР-ниң Энергетика болгаш чуртталга-коммунал ажыл-агый яамызы «Хөмүр-даш продукциязы» ГИС-ке бүрүткедирде cpgu.rtyva.ru деп айтыгже киргеш, тайылбыр езугаар кылырын сагындырып тур. Бүрүткедип алгаш, адрезиңерни базыпкаш, экранда QR-кодту скриншоттап алыр.

QR-кодту бүрүткедирде азы алырда бергедээшкиннер тургустунуп кээр болза, Хөй ажыл-чорудулгалыг төптен муниципалдыг чагыргадан азы Энергетика болгаш ЧКА яамызының 8 (39422) 5-15-49 дугаарлыг телефонунче долгааш, дузаны ап болур.

ТР-ниң Тарифтер албанының дыңнатканы-биле алырга, 2010 чылдың май 21-де № 212 доктаалы-биле Тыва Республиканың Чазааның бадылааны хөмүр-дашка өртектер чурттакчы чонга күштүг хевээр арткан. Ында «Тываның даг-руда компаниязы» КХН-ниң «Каа-Хем» биле «Чадаана» уургайлары чонга хөмүр-дашты 1 тоннада 3045 рубль 57 копеек-биле садары көрдүнген.