Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Кызыл
08 декабря, чт
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Тывада шериг албан-хүлээлгелиглерге медицина үделгезин хандырар

12 ноября 2022
21

Кызыл хоорайның аэропортунга дайынчы Вадим Сугежикти уткаан. Ол Санкт-Петербург база Москваның шериг госпитальдарынга үр хуусаалыг эмнээшкиннерни алгаш, төрээн черинче ээп чанып келген. 

Вадим Сугежик – ТШО мото-адыгжы аңгы дагжы бригадазынга албан хаап, ооң составы-биле Украинага тускай шериг операциязынга киришкен. Июньда тулчуушкун үезинде аар балыгланган.

 

– Оглум балыгланы берген деп дыңнадыг алгаш-ла, Санкт-Петербургче үнүптүм. Госпитальдарга барык беш ай болганы ол. Дыка чаныксаан кижи. Төрээн чери күштү берип, бут кырынга тургузуптарынга бүзүрелдиг. Бо үелерде дуза каткан чонумга, шуптуңарга четтирдим – деп, Вадимниң ачазы Александр Сугежик чугаалаан. 

 

Александр Ондарович Сугежик – «Афган хоочуннарының эвилели» хөй-ниити организациязының идепкейжизи. Афганга бир чыл чартык үе иштинде дайылдашкан. Кажан оолдары Вадим биле Влад шериг орукту шилип алганын дыңнадырга, чүгле хүндүлеп, деткээн.

 

Бөгүн Вадимни төрээн, чоок кижилеринден аңгыда, Тыва Республиканың Чазааның, Дээди Хуралдың болгаш хөй-ниити организацияларының төлээлери уткаан.

 

– Силерниң эрес-дидим чорууңарга чоргаарланып тур бис. Төрээн чериңер, чоок кижилериң шупту силерни манап турган, Вадим Александрович. Дүрген сегип, экирииңерни четтикпейн манап тур бис. Эптиг үеден шилип алгаш, бо чоокку үеде «Серебрянка» санаторийге дыштанып, эмнедип алырыңарны сүмелеп тур бис. Дайынчы эштериңерге аңаа таваржы бээриңер чадавас – деп, ТР-ниң Чазак Даргазының оралакчызы Тимур Куулар шериг оолга чугаалаан. 

 

Тывада шериг албан-хүлээлгелиглерге медицина үделгезин база реабилитация эрттирилгезин хандырар. В. Сугежик өөнүң ишти-биле кады «Серебрянка» санаторий-профилакторийге реабилитация курузун эртип болур. 

 

Тываның Баштыңы Владислав Ховалыгның даалгазы езугаар, тускай шериг операциязының шупту киржикчилеринге «ногаан орукту» республиканың медицина албан черлеринде организастаанын сагындыраал.

 

Республиканың Чазаа «Серебрянкаже» эмнээшкинниг дыштаналганы “Кара ирбиш” деп ТШО киржикчилериниң база хоочуннарның чаа хөй-ниити организациязы кады идепкейлиг чорудуп турар. Чүгле сөөлгү неделяда он ажыг кижи аңаа кадыкшылын быжыглап, эмнеткен.

false
false
false