Россияның Президентизи Владимир Путинниң эгелекчи саналы-биле боттандырып турар национал төлевилелдер – чурттуң хөгжүлдезиниң мурнады боттандырар угланыышкыннары болуп турар.
Президент 2030 чылга чедир күш-культура болгаш спорт-биле өңнүк российжилерниң үлүүн 70 хуу чедирер сорулганы федералдыг Спорт яамызы биле регионнарның мурнунга салганын сагындыраал.
Тывада спортче хаара туттунган кижилерниң саны доктаамал өзүлдеде. «Демография» национал төлевилелдиң «Спорт – чуртталганың чаңчылы» регионалдыг төлевилел чорудуу-биле спортчу объектилериниң тудуу болгаш септелгези калбарган.
Тываның спортчулары болгаш тренерлери 2023 чылда тергиин чедиишкиннерлиг болган. Регионнуң Спорт яамызы амыдыралдың кадык овур-хевирин суртаалдарын калбартып, аңгы-аңгы деңнелдиң спортчу хемчеглерин көвүдеткен.
Красноярскстаттың сан-чурагайы-биле алырга, Тывада эр болгаш херээжен улустуң 36 хуузу боттары спорт-биле белеткенип турар. Республиканың чеди чурттакчызының бирээзи-ле спортчу организацияларже барып турар.
Тывага национал төлевилелдерни боттандырганындан спортка ынактар саны көвүдээн
19 января 2024
32