Эки турачы аъттыг эскадроннуң үшкү взводунуң бирги салбырының командири Михаил Белекович Сундуй бодунуң «Эки турачы аъттыг эскадрон» деп номунда Ада-чурттуң Улуг дайынының чылдарында маадырлыы-биле тулчуп чораан дайынчы эки турачы эштериниң дугайында бижээн.
Номунга хамаарышкан материалдар белеткээр дээш, автор дөрт-беш чыл дургузунда республиканың аңгы-аңгы булуңнарын эргип, фронтучу өөрү-биле база оларның дөргүл-төрелдери-биле ужуражып, архивте болгаш чурт-шинчилел музейинде документилерни чыып, улуг ажылды кылган. Фронтучу эки турачыларның тураскаалын төөгүге арттырар дээш, номун чырыкче үндүрген.
М. Сундуйнуң тайбың үеде улуг күштү үндүрүп тургаш бүдүрген бо ажылы – дайынның дириг херечизиниң бижимели, амдыгаа чедир үнезин чидирбейн, төөгүнүң чугула документизи болуп артпышаан.
Сундуй, М. Эки турачы аъттыг эскадрон : эки турачының демдеглелдери / М. Сундуй. – Кызыл : ТывНҮЧ, 2005. – 277 ар. – Сөзүглел : дорт.
