ТР-ниң Аныяктар херээниң талазы-биле яамызы 2024 чылда ажыл-чорудулганың түңнелдериниң дугайында илекелди Тываның чазаанга таныштырган. Шупту чурттакчы чонунуң 32 хуузу 14-тен 35 харга чедир назылыг аныяктар, азы 107 муң ажыг кижи болуп турар республикага регионалдыг эрге-чагырга органнарының иштинде кол албан черлериниң бирээзи ол.
Тываның Баштыңының эгелээшкини-биле 2024 чылда яамы тургустунганын демдеглээлиңер. Ооң мурнунда чазакта аныяктар политиказын Аныяктар херектериниң талазы-биле агентилел харыылап турган. [id360104045|Владислав Ховалыг] аныяктарның хереглелинге дүүштүр эрге-чагырганың ажылын тургузары-биле, структураның эрге-байдалын бедидер дугайында шиитпирни хүлээп алганын тайылбырлаан.
«Күрүнениң аныяктар политиказының системазын хөгжүдери» күрүне программазының күүселдези-биле республикада күрүнениң аныяктар политиказының боттанылгазы чоруп турар. Аныяктар политиказының инфратургузуун хөгжүдери, ооң иштинде эки турачы дээш социал ужур-уткалыг эгелээшкиннерни деткиири, ажылче тургустунарынга болгаш бодунуң бизнезин ажыдарынга, амыдыралдың берге байдалдарын ажып эртеринге дуза чедирери дээш, оон-даа өске кол сорулгалар салдынган.
Яамы 2024 чылда программаның шупту планнарын күүсеткен, а чамдык угланыышкыннарда – ол ажа берген. Грант фондузу долу ажыглаттынган, оон 15 кижи деткимчени алган. Сайгарлыкчы чоруктуң аңгы-аңгы мөөрейлеринге, фестивальдарга, шуулганнарга, конференцияларга киржип турар аныяктарның саны ийи катап көвүдээн, 5,5 муңдан 12 муң чеде берген. Эки турачы 90 организация эки турачылар шимчээшкини кылдыр каттыжып, 28 муң ажыг кижини хаара туткан. Чогаадыкчы төлевилелдерге 22,5 муң, а ада-чуртчу акцияларга 22,7 муң аныяктар киришкен.
Республикада социал ужур-дузалыг төлевилелдерни илередип, деткиир сорулгалыг “Ачы-буян.Төптер” ажыттынып эгелээн. Олар 2024 чылда Кызылда спортчу объектилерни – скейт-паркты база кудумчу спортунга шөлдерни септеп, ажыдарынче бюджеттен дашкаар акша-хөреңгини хаара туткан. «Аныяктар садыы» деп сайгарлыкчы төлевилел нептерээн. 2024 чылда эрткен беш ярмаркага 255 аныяктар киришкен.
Шылгараңгай демдектерлиг дооскан аныяк тускай мергежилдиглерни деткиири уламчылавышаан. Аныяктар яамызы ипотека чээлизиниң чарыгдалдарының чамдыызын эгидер субсидияларны оларга берип турар. Бо программаның ачызында 2013 чылдан бээр 53 кижи чурттаар черни садып алган болза, 2024 чылда олардан тос кижи бажыңналган.
ТР-ниң Аныяктар херээниң талазы-биле яамызының 2025 чылда ажылының мурнады көөр угланыышкыннарының аразында – көдээ аныяктарга социал төлевилелдерже регионалдыг грантылар ойнадыр «Тываның аныяктары» деп дөрт девискээр шуулганы кирген: чылдың-на эртер «Тываның командазы – 2030» өөредилге шуулганы, «Азияның төвү» студентилер аразынга мөөрей, “Зарница 2.0” шериг-ада-чуртчу оюн, «Россияның байлаа» национал культураларның онгу юбилейлиг фестивалы база «Россияның студент чазы» деп фестивальдың регионалдыг чадазы.
Ада-чурттуң Улуг дайынынга Тиилелгениң 80 чыл оюнга тураскааткан хемчеглер, ол ышкаш аныяктарның салым-чаяанын сайзырадырынга болгаш бот-сайгарылгазынга таарымчалыг байдалды тургузарынче угланган «Аныяктар болгаш уруглар» деп чаа национал төлевилел планнарда онза черни ээлээр.
Глава Тувы проинспектировал строительство жилищных комплексов в Кызылской агломерации
Сегодня Глава Тувы Владислав Ховалыг проинспектировал строительство социальной инфраструктуры и жилых комплексов в рамках масштабных инвестиционных проектов в Кызылской агломерации.