Тываның арга-арыг фондузунда хып турар өрттер

Регионалдыг диспетчер албанының 2024 чылдың июль 3-те, 9.30-де берген оперативтиг дыңнадыы-биле алырга, республиканың арга-арыг фондузунуң черлеринде 2517,5 гектар шөлдү алган 25 арга-арыг өрттү хып турар. Эрткен хүнде 11 өрттү база 8 чаа-ла хып эгелээн отту өжүрген.

Онза хайгааралдыг бойдус девискээри «Азас» камгалалдыг черде ниитизи-биле 8 гектар арга-арыглыг чер өрттенип турар. «Убса-Нур ыйгылаажы» камгалалдыг черде өрттү өжүрген.

Кызыл, Таңды, Каа-Хем, Тожу база Улуг-Хем кожууннар девискээрлеринде өрттер ам-даа бар.

281 кижи база 19 санныг техника өрт өжүреринде хаара туттунган.
Баш бурунгаар дыңнадыглар алырга, өрттерниң хөй кезии кургаг чаңнык дүшкенин өөскээн.

Бөгүн дөрт агаар хемези: «Тываавиа» авиакомпанияның Ан-2 самолеттары-биле Улуг-Хем, Чаа-Хөл база Чөөн-Хемчик кожууннарга авиамониторингини кылыр.

Тывада арга-арыг өрттеринден онза байдал чурумун июль 1-де киирген, хамаатыларның арга-арыгже кирерин кызыгаарлаанын сагындыраал.