Тываның автооруктарында чынныр черлерни ажылдаткан

Республикада агаарның сооп эгелээни-биле, Тываның Орук-транспорт яамызы база орук албаны федералдыг база регион чергелиг автооруктарда чолаачылар база пассажирлер чынныр кылдыр хондур ажылдаар пунктуларны январь 12-ден эгелеп организастаан.

Абакан – Ак-Довурак автооруктуң 316-гы километринде (8-983-376-5055), Хандагайты – Мугур-Аксы автооруктуң 40-ки километринде (8-983-593-3198), на 45 км Хандагайты – Ак-Чыраа автооруктуң 45-ки километринде (8-983-593-3198), Копту-Аксы – Тоора-Хем автооруктуң 104-ки кирлометринде (8-929-315-5688) стационарлыг чылынар пунктулар ажылдап турарын яамы дыңнаткан. Ол оруктарны ажаап-карактаарын харыылаан орук-тудуг участоктарының начальниктери таварыштыр олар-биле харылзажып болур.

Оруктарда стационар пунктуларга немей, берге байдалга таварышкан чолаачыларга база пассажирлерге дуза көргүзер болгаш хайгыыл машиналарны көжүп чоруур чынныр черлер кылдыр тургускан.

Республиканың эң берге оруктарында көжүп чоруур чыннар пунктуларны Цаган-Тологой – Качык база Бүрен-Аксы – Элегес-Аксы – Кунгуртуг авто-казанактарында организастаан.

Берге байдалга таварышкан чолаачылар «Тываавтоорук» компанияның 8-394-223-22-62, 8-929-358-09-11 дугаарлыг телефоннарында диспетчер-биле харылзажып болур. Р-257 федералдыг орукта дежурный 8-923-355-09-73 дугаар-биле дыңнадыгларны хүлээп турар. 112 дүрген дуза шугуму база кезээде харылзаада.