Тываның Баштыңы [id360104045|Владислав Ховалыг] Кызылда республиканың уруглар эмнелгезиниң тудуг шөлүнге четкен. «Кадык камгалал инфратургузуун хөгжүдери» федералдыг төлевилел езугаар ажыл чоруп турар.
Чаа медицина албан чери 2028 чылда бир дугаар аарыг уругларны хүлээп эгелээр ужурлуг. Владислав Ховалыг ооң мурнунда кадык камгалал албан чериниң тудуунуң чорудуун Президент Владимир Путинге илеткээн турган.
«150 орунга санаан комплекс тудуу шалыпкын чоруп турар. Келир үеде тудугга педиатрия болгаш психоневрология, ол ышкаш анестезиология, реанимация, интенсивтиг терапия салбырлары ажылдаар. Ол ышкаш республиканың 1 дугаар эмнелгезиниң уруглар хирургиязы база ынаар көжүп кирер» – деп, Тываның Баштыңы MAКС-та бодунуң каналынга хыналда соонда дыңнаткан.
Тудугжулар чыл төнчүзүнге чедир тудугнуң ханаларын болгаш серизин доозуп, чылыг системазын ажылдадып, шеверлел ажылдарын доозарын планнаан. Ниити шөлү 15 муң ажыг дөрбелчин метр эмнелгеге үш педиатрия салбыры, ол ышкаш психоневрология, хирургия, анестезиология, реанимация болгаш интенсивтиг терапия салбырлары турар.
Владислав Ховалыг чаа албан чери бедик шынарлыг диагностика болгаш стационар эмчи дузазын көргүзер чер апаарын чугаалаан. Эмнелгеге чыдары планнаттынган база дүрген эмчи ачы-дузазы негеттинип турар аарыг кижилерни база хүлээп алыр.
Владислав Ховалыг: «Заключили соглашение с компанией "Ареал" для долгосрочного роста республики»
Глава Тувы Владислав Ховалыг в первый день Петербургского международного экономического форума заключил стратегическое соглашение с компанией «Ареал», сообщается в его канале в MAX.