Тываны бурунгаар хөгжүдер бүдүрүлгелерни хынаан

Россияның экономиктиг хөгжүлде яамызының харыысалгалыг ажылдакчылары республиканың социал-экономиктиг хөгжүлдезининиң амы-хууда программазының методиктиг үделгезиниң чорудуу-биле ук программаның күүселдезин хынап кээп чораан.

Ажылчын бөлүк «Чедер» санаторий-курорт болгаш кадыкшылга база «Тайга» даг хаагының комплекстеринге, долу хааглыг ажылдыг арга-арыг болбаазырадыр, тууйбу база демир-бетон кылыгларының болгаш дээрбе бүдүрүлгелеринге, черлик кат-чимисти болбаазырадыр комплекске, «АгроТыва» агроүлетпүр болгаш үлетпүр парктарынга четкен.

Ол ышкаш көдээ ажыл-агый шугуму-биле субсидия алган сайгарлыкчыларның ажыл-ижин база сонуургаан.

Амгы үеде программа езугаар 2385,5 сая рубль азы көрдүнген акша-хөреңгиниң 47,2 хуузун акшаландырганын ТР-ниң экономиктиг хөгжүлде болгаш үлетпүр сайыды Айдыс Сат дыңнадып турар.

Тыва Республиканың социал-экономиктиг хөгжүлдезининиң амы-хууда
программазының күүселдези уламчылавышаан. Ук программа-биле кандыг төлевилелдерни 2020-2024 чылдарда амыдыралга боттандырарынга чедир тодаргай бижээн.

#Тываныңсоциал_экономиктигхөгжүлдезининиңамы_хуудапрограммазы #Россияныңэкономиктигхөгжүлдеяамызы #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews2