2022 чылдың баштайгы ийи айының түңнели-биле алырга, Тываның каттышкан бюджединде боттуң орулгазы көвүдээн. Эрткен чылдың ол үези-биле деңнээрге, өзүлде 41 хуу. Март эгезинде республиканың казназынче 382 сая рубль немей кирген.
Тываның Баштыңы Владислав Ховалыгның эрттирген регионнуң кризиске удур штаб хуралында бюджет күүселдезин чугаалашкан. Ийи ай дургузунда республика бюджединче ниитизи-биле 1 млрд 304 сая рубль киргенин, ТР-ниң Саң-хөө яамызы дыңнаткан.
Казымал байлактар тывыжындан үндүрүг киирилдези көвүдеп, дөрт катап улгаткан (+42 млн рубль). Республикада ажылдап турар компаниялар – «Лунсин», «Тардан Голд» база өскелерниң-даа тывыжының хемчээли көвүдээни-биле ол тайылбырлаттынар.
Үндүрүг онаалдазының бөдүүнчүткен системазын ажыглап турар бизнестен орулгалар элээн көвүдээн, 92 хуу өскен (+17 млн рубль). Пандемия үезинде ону кошкаткаш, күрүне деткимчезин идепкейжиткенинден элээн өскени ол.
Нефть продуктуларынга акцизтен орулга 28 хуу көвүдээн – эрткен чылдың ол үезинге деңнээрге 28 сая рубльге. Аңаа чүгле 4 хуу индексация эвес, а нефть продуктуларын саткан хемчээлдиң улгатканы салдарлыг болган.
Ажык-кончаадан үндүрүглер киирилделери база өскен – 8,6 катап (+222 сая рубль). 2021 чылдың түңнелинден көөрге, «Лунсин» КХН (+100 сая рубль), «Тываэнерго» АН (+59 сая рубль), «Тардан Голд» КХН (+41 сая рубль), «Восток» КХН (+16 сая рубль), «Сбербанк» ПАН (+8 сая рубль) орулгалыг ажылдаан.
2022 чылда 10,8 млрд рубль боттуң орулгазын алыры планнаттынган, азы эрткен чылдан 7 хуу хөйге. Ындыг болзажок, Россияның Банкызы 9,5 хуу турган өзек ставканы 20 хуу чедиргенинден элээн чидириг болурун специалистер санаан. Ылаңгыя саң-хөө секторунда орулга кудулап болур. Планның 4 хуузу хире, азы 400 сая рубль деп санаттынган.
Шак-ла ындыг байдал 2014 чылда болган, 9,5 хуу ставка 17 хуу чедир өскен. Ооң түңнелинде республика талазы-биле чээли портфели 26 хууга, азы 8,8 млрд рубльге бада берген (33,4 млрд рубльдан 24,6 млрд рубль чедир), а саң-хөө секторунуң орулгазы 2014 чылда 86 сая рубль турганындан, 2015 чылда 9 сая рубль кылдыр кызырылган.
Республика үндүрүгге деткимче кылдыр үндүрүг онаалдазының бөдүүнчүткен системазынга ортумак хемчээлдиг ставканы (3 база 7 хуу) хевээр арттырганын штаб хуралында демдеглээн.
Ковидтен кызыгаарлаашкынныг үеде, ажыл-чорудулганың шупту хевирлеринде үндүрүг ставказын 6 хуудан 1 хуу чедир (орулгалар) база 15 хуудан 5 хуу чедир (орулгалар – чарыгдалдар) кудулаткан турганын сагындыраал. Ол чиигелде бюджетче 306,6 сая рубльдиң орулгазын киирбейн барган.
В Туве водитель, из-за которого погибли 5 человек, приговорен к 10 годам лишения свободы
38-летний водитель из города Кызыла, который в состоянии алкогольного опьянения стал причиной гибели пяти человек, был признан виновным в нарушении правил дорожного движения.