Тываның чогаалчылар эвилелиниң шуулганының киржикчилеринге Дээди Хуралдың даргазы Каң-оол Давааның мурнундан парламентиниң байыр чедириишкинин депутат Айдың Монгуш чедирген.
– Тыва литератураның сайзыралы Тываның чогаалчылар эвилелиниң ажыл-чорудулгазындан кончуг хамааржыр. Бистер, депутаттар, республикага ном үндүрүлгезин, очулга ажылдарын экижидериниң, чогаалчыларның социал болгаш өске-даа деткимчезин күштелдирериниң талазы-биле саналдарыңарны манап турар бис.
Силер, чогаалчылар, тыва дылды келир салгалдарывыска камгалап арттырарынга, ону улам сайзырадырынга үлүг-хууңарны киирип турар силер. Силерниң солун чогаалдарыңар таварыштыр өске чоннар Тываны сонуургап, билип ап турар.
Тываның чогаалчыларының болгаш шүлүкчүлериниң чогаалдарын делегей чоннарының дылдарынче очулдурарының талазы-биле ажылдарны моон соңгаар идепкейжидер боор силер дээрзинге идегеливис улуг – деп, байыр чедириишкининде бижип турар.
Депутат Айдың Монгуш хоойлужудулга органының тураскаалдыг медалын чогаалчы Чечен Ирбижейниң хөрээнге кадап берген.
Тываның чогаалчылар эвилелинден саналдарны манап турар
4 апреля 2022
63