Россияның шупту хамаатылары ышкаш, Тываның чону база ийи кыска неделяда ажылдаар. Ындыг болзажок Тываның чону бир хонук хөйге дыштаныр. Азы беш хонук ажылдаар неделяда регион сес хонук дыштаныр.
Апрельдиң 29-тан май 1-ге чедир дыштанылганың бирги кезээ таваржыр, Частың болгаш Күш-ажылдың байырлалында бүгү чурт дыштаныр. Майның 2 – вторниктен май 5-ке – пятницага чедир ажыл хүннери.
Тываның чурттакчы чонунга дыштаныр хонуктарның ийиги чартыы май 6-да эгелээш 10-да доостур. 6 биле 7 – суббота биле улуг-хүннүң черле дыштаныр хонуктары.
РФ-тиң Чазааның доктаалы-биле январь 8-тиң улуг-хүнүн май 8-че чылдырган. А майның 6 – Тыва Республиканың Конституция хүнү, регионалдыг хоойлужудулга-биле ажылдавас байырлыл хүнү кылдыр доктааткан. Ол хүн суббота хүнүнде таваржы берген болганда, ол байырлал хүнүнүң соонда дараазында ажыл хүнүнче ала чайгаар шилчий бээрин республиканың Дээди Хуралы (парламентизи) тайылбырлаан.
Ол хонуктарда дараазында ажыл хүнү май 10-да турган болгаш, Тывада май 10-нуң хүнү база дыштаныр хүн апаар. Ынчангаш Тываның чурттакчы чону майның 6-дан 9-ка чедир Тиилелге хүнүн байырлаар, а Тыва Республиканың Конституциязының хүнү дыштаныр хүнде таваржы бергени-биле, май 10-да база дыштаныр.
Кызылский транспортный техникум отметил 60-летний юбилей
60 лет исполнилось Кызылскому транспортному техникуму.