Агаар-бойдус изип, арга-арыг өрттериниң айыылы улгатканындан, Тываның Чазааның доктаалы-биле регионда өртке удур онза чурумну 2026 чылдың июль 26-га чедир узадыр деп шиитпир хүлээп алдынган.
Өртке удур онза чурум үезинде дараазында чүүлдерни кылыры хоруглуг:
- будук-чээргенден одаг кыпсыры, кургаг сиген, саазын бок өрттедири;
- арга-арыгларга, оруктар кыдыынга, көдээ ажыл-агыйның черлеринге, хемнер, хөлдер девискээринге, онза камгалалдыг черлерге, хоорайлар, суурлар чоогунга, курлавырның черлеринге, садчылар болгаш огородчулар ниитилелдеринге, өнчүнүң бүгү хевирлериниң бүдүрүлгелеринге база организацияларынга от айыылы дугайында улуг ажылдар чорудары;
- арга-арыгларның өртке удур чаагайжыдылгазын боттандырып турар кижилерден, техника-хөлгеден аңгыда, хамаатыларның арга-арыг иштинге чорууру хоруглуг.
Өртке удур онза чурумну хажытканы дээш дараазында административтиг харыысалга көрдүнген:
- хамаатыларга 10 000-дан 20 000 рубль чедир хемчээлдиг торгаал;
- албан-дужаалдыг кижилерге – 30 000-дан 60 000 рубль чедир;
- хууда сайгарлыкчыларга – 60 000-дан 80 000 рубль чедир;
- организацияларга – 400 000-дан 800 000 рубль чедир.
Өрт озал-ондаан болдурганы, кижилерниң өлүмүн азы оларның кадыкшылынга хора чедиргени дээш хоойлуга дүүштүр кеземче харыысалгазын онаары көрдүнген.
