Бо чылын Тываның эң баштайгы төвү – Самагалдай сууру тургустунганындан бээр 250 чыл оюн демдеглээр. Амгы үеде ол суур 100 чылдар Тес-Хем кожуннуң төвү болуп турар.
Тес-Хем кожууннуң чагырга чериниң даргазы Чиңгис Тогаачы кожуунга ийи спорт залын тударынга хамаарыштыр соцчеткилерде бижээн.
– Юбилейлиг чылывыста кожуунувуска «Эзирлерниң уязы» төлевилелдиң ачызында Самагалдай болгаш Шуурмак сумуларынга спорт залдары туттунарын Тываның Баштыңы Владислав Товарищтайович бодунуң социал четкилерде арыннарында дыңнадып бижээн.
Үнүп келген чыл – бистиң кожуунувуска онзагай чыл болурун шупту билир бис. Мурнувуста юбилейлиг хемчеглеривисти төлептиг эрттирип, кожуунувустуң сайзыралы дээш кылып чорудар ажылдарның сорулгаларын салган бис.
2021 чылда Чыргалаңды, 2022 чылда Берт-Даг сумуларынга туттунган спорт залдары бичии уругларның болгаш школачыларның ынак өргээлери болган. Оолдар, уруглар хүннүң-не спорттуң аңгы-аңгы хевирлериниң секцияларынче барып, бичии-даа хостуг үе чок болуп турарлар.
Республиканың Баштыңынга болгаш Тываның Чазаанга Тес-Хем кожууннуң чагыргазының, кожуунувустуң чонунуң мурнундан база бодумнуң өмүнээмден илереттим.
В Туве прошла церемония награждения муниципальных работников
Сегодня на сцене Национального театра им. Виктора Кок-оола прошла церемония награждения представителей органов муниципальной власти в честь Дня местного самоуправления – профессионального праздника с…