ТР-ниң Экономиктиг хөгжүлде болгаш үлетпүр яамызы республикада чемненилге албан черлерин албан езузунуң турисчи каталогунче киирер дээш, чаңгыс аай даңзыны чаартып турар. 2026 чылда Тывага болуп эртер IV делегей чергелиг буддийжи шуулганга белеткел кылдыр дептерни чыып тургузуп турар.
ТР-ниң Экономиктиг хөгжүлде яамызының даңзызында 140 ажыг объектиниң дугайында: албан черлериниң хевири, адрези, олуттар саны, кандыг аъш-чем белеткеп турарын айыткан медээлерни киирген.
Ооң-биле чергелештир, «ЛанаСофт» КХН компания YURTAAPP шөлчүгеш-биле кады ол даңзының электроннуг хевирин тургузар ажылды кылып турар. Амгы үеде электроннуг каталогче 54 объект кирген. Республиканың чурттакчыларынга-даа, аалчыларынга-даа чугула медээни тып алырынга эптиг кылдыр, мобильдиг капсырылгаже ол сан-чурагайлыг каталогту алызы барып кадар.
Капсырылганы ажылдап кылганнарның чугаазы-биле алырга, дүъште азы кежээ чемненир чер дилеп турар садып алыкчыларга эптиг кылдыр чаңгыс аай чурагай шөлүнге албан черлерин кииргени дузалаар. Капсырылга күштүг немелде маркетинг каналы апарып, хуу сайгарлыкчыларга боттарын таныштырып, ниити чемненилге рыногунда туружун быжыглаарынга дузалаар.
Мобильдиг капсырылгага хөй-ниити чемненилгезиниң объектилеринден аңгыда, дыштанып хонар черлер: аалчылар бажыңнарын, хостелдерни, турисчи баазаларны болгаш өске-даа доктаар черлерни чаңгыс аай каталогун салыр.
Бо комплекстиг хемчег туристерге чурттаар черни шилип алырындан эгелээш, чемненир черни организастаарынга чедир шупту ачы-дузаларның долу медээлерин алыры чаңгыс аай шөлдү хевирлээринче угланган.
Системага бүрүткедир күзелдиг хөй-ниити чемненилге черлериниң ээлери partners.lana-soft.ru/auth/login тускай айтыг таварыштыр эртип болур.
