Республикада июнь 17-ге чедир ажылдап эгелээр хоорай даштының 18 лагери 4 333 уругну хүлээп алыр. Тускай өөредилгени болгаш эмчи шинчилгезин эрткен үш муң ажыг ажылдакчы – кижизидикчи башкылар, вожатыйлар, эмчи ажылдакчылары, чемненилге блогунуң ажылчыннары уруглар-биле ажылдаар. Оон аңгыда Тываның күрүне университединиң студентилери «Студотрядтар – лагерьлерже» деп төлевилел чорудуу-биле уруглар дыштанылгазынга киржир.
Хоорай даштының 18 дыштанылга лагерьлериниң дөртү күрүне албан черлериниң хайгааралы, ийизи профэвилелдер организацияларының хандырылгазы, а 12-зи муниципалитеттерниң башкарылгазы-биле ажылдаар.
Июньнуң 10-дан дыштанылганың стационар лагерьлери уругларны хүлээп эгелээн. Ол үеге чедир хоорай даштының 148 уругга санаан үш лагери санитар-эпидемиологтуг чөпшээрелди алган. Ол дээрге Чөөн-Хемчик кожуунда «Шуралгак», Тожу кожуунда «Родничок» база ТР-ниң Өөредилге яамызының кураторлааны дыңнавас уруглар школазында «Ушарики» лагерьлер-дир. Арткан лагерьлер бо неделяда түңнел бижиктерин алырлар.
Стационар лагерьлерниң бирги сменазы 21 хүн ажылдаар. Уруглар дыштанылгазының стационар черлерин ажыдарда чурттаар корпустарны, административтиг болгаш ажыл-агый тудугларын септеп, өртке удур лагерь девискээрин долгандыр чардырып, ажылдакчыларны өөредип, объектиже кирер орукту септеп, улуг ажылдарны кылган.
Уругларның айыыл чок чоруун хандырары – чайгы дыштанылга кампаниязының организаторларының онза хыналдазында. Лагерьлерниң шупту ажылдакчылары, ол ышкаш дыштанып келир уруглар эмчи шинчилгезин эрткен. Шупту эмчи ажылдакчылары коронавирус халдавырынга удур тарыдып, ажылдаар чөпшээрелди алган.
#Тываныңчазаа #Уругларныңчайгыдыштанылгазы #Хоорайдандашкаарлагерьлер #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews
Сайыр-Даш Середар: «Очень благодарны Президенту, что сделали проект «Время героев»
«Время героев» - программа развития для участников специальной военной операции.