Тес-Хем кожууннуң Самагалдайда хүрээниң девискээринде чаа дуган тудуу эгелээн. Тываның IV Камбы-Ламазы Гелек Нацык-Доржу Башкы, эргелелиниң башкылары, кожууннуң Камбы-Ламазы Гелег Чагдар чаа дуганның бумбазын салыр езулалга киришкен.
Келир чылын Самагалдайның 250 чылдаанынга уткуштур чаа хүрээни тудар дээш, тес-хемчилер хамык күжүн ынаар угландырып турар. Хүрээ тудуунга бүгү чон киржип, өргүлүн салып эгелээн. Кожуун чагыргазы бо тудугну удуртуп, деткимчени көргүзүп турар.
Кожууннуң Камбы-Ламазы ыдыктыг езулалга киржип келген лама башкыларның болгаш чыылган чоннуң салган буянныг йөрээлдери доктаап, бо төөгүлүг хүнде долу ай ышкаш, кандыг-даа шаптараазын чокка буянныг үүле бүдерин күзеп, Үш Эртине оларны кезээде камгалап чоруурун йөрээген.
Хүрээ тудуунга деткимче – өргүлдү чыыр кылдыр «Туглуга» хоочуннар бөлүүнүң удуртукчузу Галина Соянны чаңгыс чер-чурттуглары бадылап алган.
Бойцов из Тувы, проходящих лечение в госпиталях Минобороны навестили земляки
Сотрудники Представительства Тувы в г. Москве совместно с волонтером Чингис-Хааном Ооржаком посетили раненых бойцов в трёх госпиталях Минобороны России: ФГБУ «ГВКГ им. академика Н.Н. Бурденко»; ФГБУ …