Бөгүн Тываның күрүне университединиң 1243 доозукчузунга сөөлгү коңга эткен, оларның 100-ү тергиин өөредилгелиг.
Дээди өөредилге чериниң сөөлгү коңгазы чалыы назынның эң-не байырымныг болгаш хөрек-чүректи доюлдуруптар байырлалдың аалчылары – тускай шериг операциязының эрес-дидим киржикчилери.
Тускай шериг операциязының эгезинден тура ТывКУ-нуң 200 ажыг студентизи болгаш доозукчузу дайынчы даалгалар күүседиринге киришкен. Университет «Тываның маадырлары» программа-биле тускай шериг операциязының киржикчилерин өөредир чер болуп турар.
Тываның «Дайынчы үженинче» кирип турар крап береттиң эдилекчизи, «Чөптүг Россия» социалистиг партияның республикада регионалдыг салбырының удуртукчузу, Кызылдың 1 дугаар школазының “Төрээн чурт камгалалының болгаш айыыл чок чоруунуң үндезини” эртеминиң башкызы Азият Догдугаш доозукчуларга байыр чедирип, чагыг сөзүн берген.
Тываның Баштыңы [id360104045|Владислав Ховалыгның] мурнундан Администрациязының удуртукчузу, ТывКУ-нуң Доозукчулар ассоциациязының президентизи Юрий Ананьин база ТывКУ-нуң ректору Ольга Хомушку республиканың аныяк кадрларынга байыр чедирип, амыдыралынга ак орукту күзээн.
“Университеттиң арыннары” мөөрейниң аңгы-аңгы номинацияларга тиилээн студентилерни шаңнап-мактаан. Оларга дипломнарны болгаш хөрек демдектерин тывыскан.
Чуруктарны Чингис Саая тырттырган
