Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Кызыл
15 апреля, пн
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Тываның Наадым-2022 хүрежинге киришкен моол мөгелер дугайында

17 августа 2022
118

Бо, 2022 чылда, Улан-Батор хоорайга болган Моол күрүнениң улуг Наадымының хүрежинче тыва мөгелерни чалаанын барымдаалааш, август 15-те Владимир Биче-оол аттыг "Хүреш» стадионунга болуп эрткен Республика хүнүнге болгаш 2022 чылдың малчыннар Наадымынга тураскааткан тыва хүреш маргылдаазынга моол мөгелерни база киириштирген.

Бо удаада Тываның Наадым хүрежинге 4 моол мөгелер киришкеннер. Олар кымнарыл дээр болза:

1.Нацагсүрэн Золбоо-Моол күрүнениң Хартыга-мөгези, хостуг хүрешке Моолдуң делегей чергелиг спорт мастери, Азия чемпионадының мөңгүн болгаш 4 катап хүлер медальдарының эдилекчизи;
2.Шархүү Пүрэвгардъ-Моол күрүнениң Хартыга-мөгези;
3.Цендаюш Мөнхбаяр-Моол күрүнениң Хартыга-мөгези;
4.Чамыян Цэгц-Моолдуң аймак-начыны, олар-дыр.

Моол мөгелер 256 мөгениң аразындан бирги салыгда удурланыкчыларын ашкан соонда, ийиги салыгда ийи чидириглиг болганнар. Баштай аалчыларның эң аныяа, Моолдуң аймак начыны Чамыян Цэгцти Тываның Хартыга-мөгези Аяс Кула буттааш арыг октаан.

База-ла ийиги салыгда Моол күрүнениң Хартыга-мөгези Цедендорж Мөнбаяр Тываның Начын-мөгези Баасан Баткар-биле элээн тудушкаш, бистиң мөгевисти октап алган.

Делегейде болгаш Моолда алдар-ады-биле, аалчы моол мөгелерниң аразындан ылгалып турар Нацагсүрэн Золбоону Тываның эң шыырак аныяк мөгелериниң бирээзи Мөнге-Эртине Куулар ийиги салыгда октааны чараш болган.

Моолдуң күрүне Хартыгазы мөге Шархүү Пүрэвгардъ онаан октаан соонда, 32 эң шыырак мөгелер аразынче 2 моол мөгелер кирип келгеннер.

32 мөге арткан үшкү салыгда, Тываның күрүне болгаш кожуун чергелиг аттыг мөгелери удурланыкчыларын боттары шилип, амалап алганының соонда, эң сөөлүнде 2 моол мөгени кым-даа амалаваанындан, моол мөгелер Шархүү Пүрэвгардъ биле Цедендорж Мөнхбаяр чүгле ийилээ артып кааш, боттары хүрежир ужурга таварышканнар. Түңнелинде Шархүү Пүрэвгардъ онаан октааш 16 эң шыырак мөгелер аразынче кирип келген.

16 мөге артып каарга моол мөгеге Тываның Чаан-мөгези Сайын-Белек Түлүш таварышкаш, бо удаада мөгевис моол аалчыга октадыпкан.

Наадымның шаңналдыг 8 мөгези артып каарга, моол мөге Шархүү Пүрэвгардъка Тываның Арзылаң-мөгези Айдың Монгуш таварышкаш, ону буттааш арыг октаан.

Моолдуң күрүне Хартыгазы аттыг-даа болза, Шархүү Пүрэвгардъ Тываның Наадымында 8-че киир хүрешкеш, Тываның Начын-мөгези деп атты база чаалап алган.

2022 чылдың Республика хүнүнге болгаш малчыннар Наадымынга тураскааткан тыва хүрешке республика чемпионадынга моол аалчы-мөгелерниң түңнелдери мындыг болган-дыр.

Мерген КЫРГЫС

«ТываМедиаБөлүк» информастыг агентилелдиң чуруктары

false