Бөгүн, бүгү чуртта ышкаш, республиканың шупту школаларынга бүгү-российжи хыналда ажылдар эгелээн. Тываның 81 школазынга ниити хыналда ажылдарны бирги хүнде бижиирин ТР-ниң Өөредилге яамызы дыңнаткан.
Бо чылын бүгү-российжи хыналда ажылдарны 4-8 класстың өөреникчилери чаңгыс аай чурум-биле, 10-11 классчылар школаның шиитпири езугаар кылыры планнаттынган.
Улуг класс өөреникчилери боттарының билиглерин баштай шылгаарлар. Марттың 1-ден 25-ке чедир онгу классчылар географияны дужаар болза, 11-ги класстың доозукчулары төөгүнү, биологияны, географияны, физиканы, химияны, даштыкы дылдарны дужаар.
Он биргиклассчылар ЧКШ-че (ЕГЭ) шилип албаан эртемнеринге хыналда ажылдарны бижиир. 4-8 класстың өөреникчилери хыналда ажылдарны марттың 15-тен апрель 25-ке чедир кылыр.
Сан биле орус дыл – кижи бүрүзүнүң албан бижиир эртемнери. Дөрткү класстың өөреникчилери “Долгандыр хүрээлел” эртеминге, бешкикласчылар – биология болгаш төөгүге, чедигиклассчылар даштыкы дылдарга хыналда ажылдарны кылыр.
Алдыгы класстың өөреникчилери төөгүге, биологияга, географияга база ниитилел билиглеринге, чедиги класстыы – төөгүге, биологияга, географияга, ниитилел билиглеринге база физикага, сески класстыы – төөгүге, биологияга, географияга, ниитилел билиглеринге, физика база химияга билиглерин хынаар.
Бүгү-российжи хыналда ажылдарның түңнелдери, бир дугаарында, боттарының билиин хынарынга, кайда чедир билбейн турарын билип алырынга өөреникчилерге, ол ышкаш өөреникчи-биле кады кичээлдээринге башкыларга база ада-иелерге дузалыг болур деп, регионнуң Өөредилге яамызы демдеглээн.
Улуг-Хемский район готовится принимать детей республики в рамках летней оздоровительной кампании
В Туве продолжается подготовка к детской летней оздоровительной кампании. Например, в лагере «Чорудаа» Улуг-Хемского района начался ремонт.