Бөгүн «Сүбедей» спорт өргээзинге Тыва Республиканың судтарының спартакиадазы болуп турар. Спортчу хемчегге бо чайын девискээр аайы-биле шилилге маргылдааларга тиилээн судтарның 12 спортчу командалары ужурашкан.
ТР-ниң Дээди, Кызылдың хоорай, район судтарының болгаш республиканың эптештирилге шииткекчилериниң демниг болгаш шыырак дээн командалары спорттуң беш хевиринге (хол бөмбүү, аргамчы тырттары, хол басчыры, дартс, хөглүг старттар) күжүн шенешкен.
Бо чылгы спартакиаданы декабрь эгезинде Москва хоорайга эртер Бүгү-российжи Х шииткекчилер съездизинге тураскааткан. Тиилекчилерге юбилейлиг тускай медальдарны тыпсыр.
Ук спортчу хемчегни Россияның Шииткекчилер чөвүлериниң регионалдыг салбыры база ТР-ниң Суд департаментизиниң эргелели эрттирип турар.
Чуруктарны Шончалай Ховалыг тырттырган
Тываның судтарының спартакиадазы
23 сентября 2022
107