Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Кызыл
06 декабря, вт
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Тываның тараажылары камгалалдыг шөлдеринге когаралын эгидип алыр

15 ноября 2022
9

Бо чайын кааңнаашкындан чидириглиг болган Тываның үш тараажызы көдээ ажыл-агый камгаладылгазының керээзи-биле компенсацияны алырын ТР-ниң Көдээ ажыл-агый болгаш аъш-чем яамызы дыңнаткан. Шак ындыг камгаладылга компенсациязы 90 чылдардан бээр амгы Тываның төөгүзүнде бир дугаар төлеттинери ол.

Бо чылын Тываның беш тараажызы боттарының ажыглалдыг шөлдерин камгалаткан. Оларның үжүнге кааңдаашкынның чок кылган тараа шөлдерин санаанының түңнелинде, когараан деп түңнелди алган. Тараажылар когаралын эгидип бээриниң дугайында билдириишкинни боттарының камгаладылга компаниязынче киирген. Бии-Хем кожуундан Айбек Монгуш камгаладылга керээзи-биле 414 муң рубль компенсацияны алыр. Арткан билдириишкиннерни көрүп турар.

Республиканың Көдээ ажыл-агый болгаш аъш-чем яамызы көдээ ажыл-агый бүдүрүкчүдеринге Тываның нарын агаар-бойдузунда чер ажылдарын камгаладып алыры чугула дээн тайылбыр ажылын доктаамал чорудуп турар.
– Бистиң республика чер ажылдарынга таарымча чок зонага хамааржыр. Ынчангаш боттарының ажыглалдыг черлерин камгаладып алырын кыйгырып тур бис – деп, яамының үнүш ажыл-агыйы болгаш механизация килдизиниң консультантызы Эртине Монгуш тайылбырлаан.

Бо чылын Барыын-Хемчик, Улуг-Хем, Эрзин, Чаа-Хөл, Тес-Хем, Сүт-Хөл болгаш Чөөн-Хемчик кожууннарга агаар-бойдустуң байдалы-биле муниципалдар аразының онза чурумун чарлап каан турганын сагындыраал. Кааңдаашкын тарылга шөлдериниң беш кезиин, азы 12 муң гектарын чок кылган.
ТР-ниң Көдээ ажыл-агый яамызы-биле харылзаалыг ажылдап турган тараажылар 1937 гектарда тараан тараа культураларын камгаладып алган турган. Ол 2020 база 2021 чылга деңнээрге хөй-даа болза, дөмей-ле дыка эвээш деп, Көдээ ажыл-агый яамызы санап турар.