Тываның чазаа полицияның участок төлээлериниң аразынга эң тергиин участок төлээзи деп ат дээш мөөрейни чарлаан. Ол дугайында саавыр-дүрүмнү бадылаан. Ону чылдың эртер кылдыр тургускан. Мөөрейниң баштайгы тиилекчилерин бо чылын тодарадыр болгаш шаңнаар.
Саавыр-дүрүм ёзугаар полицияның тергиин участок төлээлерин тодарадырда 5 кол үнелел барымдааны сагыыр .Оларның эң колу-чон-биле ажыл: полиция ажылдакчызының кылып чоруткан ажылының дугайында чон мурнунга ажык-чарлыг отчеду; чондан кирген билдииришкиннер саны болгаш ооң түңнелинде хүлээп алдынган хемчеглер саны; участогун эргип тургаш кылган профилактика ажылы-хайгааралда турар хамаатыларның хыналдазы болгаш чон аразында тайылбыр чорутканы. Участок төлээзиниң ажылының дугайында чон тус-чер чагыргаларының албан-ёзулуг сайттыларынга бижип болгаш бадылап база болур.
Ол ышкаш участок төлээлериниң ажылын корум-чурум хайгаараар эки-турачы улусчу дружиналарның ажылын организастаанын, кем-херек үүлгеткен соонда, эдип-чазаар черлерден хосталып келген хамаатыларны шын орукче углап-баштаар ажылды кандыг чорудуп турарын, хоойлу-дүрүм үреп, бүдүү арага-дары садып турар хамаатыларны тудуп, эзирик байдалда кем-херек үүлгедиишкиннерин кызырганы дээш база үнелээр.
Ол дугайында сан-чурагайны республиканың Иштики херектер яамызы тускай чазак комиссиязынга дыңнаткан соонда, мөөрейниң түңнелдерин ол комиссия тодарадып үндүрер.
Доктааткан саавыр-дүрүм ёзугаар мөөрейниң 3 тиилекчизин илередир.
Эң тергиин болган полицияның участок төлээзин 100 акша-биле шаңнаар. Дараазында, 2-ги,3-кү черлер алган участок төлээлеринге 60 болгаш 45 муң акша шаңналдарын тыпсыр.
Тыва чазактың парлалга албанының медээзи-биле
Чурукту ажык дөстен алган
Четыре бойца из Тувы приняли участие в первичном отбора программы «Время героев»
«Время героев» – это программа кадровой переподготовки для участников специальной военной операции.