Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Кызыл
07 декабря, ср
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Тываның тудуг адырын хөгжүдер, чедир кылдынмаан объектилерни доозар

16 ноября 2022
11

Россия Федерациязының Тудуг болгаш чуртталга-коммунал ажыл-агый сайыды Ирек Файзуллин биле Тываның Баштыңы Владислав Ховалыг
Россияның Тудуг яамызынга ужуражып, республиканың тудуг адырының хөгжүлдезин чугаалашкан.

«Чурттаар оран-сава болгаш хоорай хүрээлели» национал төлевилелдиң күүселдези, ол ышкаш республиканың тудуг адырын хөгжүдери болгаш чедир кылдынмаан объектилерни доозары – ажыл-агыйжы ужуражылганың кол темалары болган.

Росстаттың 2022 чылдың октябрь 1-де сан-чурагайындан алырга, Тыва Республикада 123,3 муң дөрбелчин чуртталга шөлү ажыглалче киирген, бо чылдың планындан 11 хуу хөй.

«Кызыл кожууннуң Каа-Хем суурда спорт-культура төвү» объект тудуун доозары регионга чугула айтырыг болуп артпышаан. Доостунмаан тудуг объектилериниң федералдыг даңзызынче киирер дизе, доктааткан негелделерге дүүштүр шупту документилерни чыырын федералдыг тудуг сайыды Ирек Файзуллин сүмелээн. «Айтырыглар бар объектилер талазы-биле ажылды уламчылап, даңзыже оларны киирер дээш документацияларын таптыг кылыр» – деп, ол чугаалаан.

– Каа-Хем суурда «Преображенский» чаа микрорайонунда комплекстиг тудугларның даштыкы инженер четкилерин хандырар бис. Ында 825 олуттуг школа тудуу эгелээн. Хөй аалдыг амгы үениң бажыңнарын тударынга эптиг байдалдарны тургузар. Оон ырак эвесте спорт-культура төвүн доозарынче бүгү-ле күжениишкиннерни салыр апаар бис – деп, Тываның Баштыңы Владислав Ховалыг демдеглээн.

Тывада инженерлиг инфраструктура объектилерин тударынче инфраструктурлуг бюджет кредидиниң акша-хөреңгизин хаара туткан дөрт төлевилел боттанып турар. Спутник микрорайоннуң үшкү, дөрткү кварталында, «Мөңгүн» микрорайонунда, Полигонная база Иркутская кудумчуларында микрорайоннарда комплекстиг тудугларның үндезин тудуг объектилериниң даштыкы инженер четкилерин хандырырынче ол акша-хөреңгини угландырар.