ТР-ниң Дээди Хуралының депутады Олег Сарыглар видеохарылзаа таварыштыр Украинада АКШ-тың биолабораторияларының ажыл-чорудулгазынга хамаарыштыр истелгениң түңнел илеткелин бадылаан Күрүне Думазының ниити хуралынга киришкен. Илеткел-биле Күрүне Думазының Даргазының оралакчызы Ирина Яровая таныштырган.
Истелгениң түӊнелинде, Украинада АКШ-тың кем-херектиг ажыл-чорудулгазының шупту барымдаалары 200 арынныг документиде чыгдынган. Киевтиң езу-чурумунуң деткимчези-биле Украинаның девискээринге АКШ 50 ажыг лабораторияларны тургускаш, чурттакчылар-биле чажыт шинчилелдерни болгаш дуржулгаларны эрттирип турган болган.
Бо төлевилелдиң ачызында Пентагон Россияның кызыгаарын дургаар кижилерге, амытаннарга болгаш үнүштерге аарыглар өөскүдер микроорганизмнерни чыып, оларны өөренип көөрүнүң байдалын тургускан турган.
Бо биолабораториялрга хамаарыштыр парламент комиссиязының түңнел илеткелин делегейниң шупту чурттарынче, Россияның Президентизинче болгаш Истелге комитединче чорудар.
Комиссия Россияның Даштыкы херектер яамызындан делегей чергелиг истелгени эгелээри-биле чорудуп турар ажылын уламчылаарын база дилээн.
Украинада биолабораторияларның ажыл-чорудулгазынга хамаарыштыр истелгениң түңнел илеткели
17 апреля 2023
150