Улуг-Хемде ийи чүс беш өг-бүле социал хөмүр-дашты алган

Улуг-Хем кожуунда "Социал хөмүр-даш" төлевилелиниң киржикчилеринге “кара алдынны” бажыңнарынга чедирип дүжүргенин чагырга чери дыңнаткан.

Бо чылын кожуундан 205 өг-бүле ук төлевилелче кирген. Чурттап турар чериниң аайы-биле алырга, Шагаан-Арыг хоорайдан – 62, Хайыракандан – 23, Арыг-Бажындан – 16, Ийи-Талдан – 12, Торгалыгдан – 27, Чодураадан – 11, Эйлиг-Хемден – 10, Арыг-Үзүүден – 20, Арыскандан – 9, Иштии-Хемден – 15 өг-бүле.

«Социал хөмүр-даш» губернатор төлевилелиниң чорудуу-биле социал дузаны көргүзүп, бир өг-бүлеге-ле 2145 кг хөмүрнү азы 4,8 куб одаар ыяшты бээри көрдүнгенин сагындыраал