Улуг-Хем кожуундан Олег Чанчып Моол күрүнениң Улан-Баторга ча адарынга спорт мастери атты күүсеткенин сагындыраал. Ийиги-үшкү черлерни Сүт-Хөлден Найыр Сарыглар база Чөөн-Хемчиктен Мөнгун-оол Монгуш чаалап алганнар.
Моол Республиканың спорт болгаш күш-культура талазы-биле күрүне комитединиң даргазы Осор Баттулганың дужаалы езугаар Олег Чанчыпка бедик спортчу чедиишкиннери дээш хүндүлүг атты тывыскан.
Шагаа байырлалынга тураскааткан республика чергелиг ча адар оюннуң баг адар хевиринге Олег Чанчып адыгжылар аразындан эң тергиин болуп, «Шагаа Мергени-2024» деп атка төлептиг болган.
Улуг-Хем кожууннуң күш-культуразының болгаш спортунуң алдарлыг ажылдакчызы, Шагаа мергениниң шаңналы дээш Кызыл хоорайга ча адар оюннуң баг адар хевиринге маргылдааны эрттиргенин чагырга чери дыңнаткан.
Чылдың кол спортчу байырлалынга – Улуг-Хем кожуунну «Тывада күш-культура болгаш спортту хөгжүдер талазы-биле эң эки муниципалдыг тургузуг» деп чарлаан. Бо чылын күш-культура болгаш спорт-биле доктаамал белеткенип турар чурттакчыларның саны тос муң кижи четкен. Кожуун чурттакчы чон-биле күш-культура болгаш дыштанылга ажылын идепкейлиг чорудуп турар. Чыл дургузунда 446 спортчу хемчегни эрттирген, аңаа 36,6 муң ажыг кижи киришкен.