Улуг-Хемден Олег Чанчып – Шагаа мергени

Шагаа байырлалынга тураскааткан республика чергелиг ча адар оюннуң баг адар хевиринге Олег Чанчып адыгжылар аразындан эң тергиин болуп, «Шагаа Мергени-2024» деп хүндүлүг атка төлептиг болганын Тыва үндезин культура төвү дыңнаткан.

Культура болгаш дыштанылганың национал парыгының доштуг шөлчүгежинге эрткен мөөрейге чеден ажыг адыгжы киришкен.

Улуг-Хемден Олег Чанчып Моол күрүнениң Улан-Баторга ча адарынга спорт мастери атты күүсеткенин сагындыраал. Ийиги-үшкү черлерни Сүт-Хөлден Найыр Сарыглар база Чөөн-Хемчиктен Мөнгун-оол Монгуш чаалап алганнар.

Кыс адыгжылар аразынга бирги черге Тес-Хемден Чимис Кыргыс, ийи черге Чөөн-Хемчиктен Александра Монгуш, үшкү черге Таңдыдан Ай-Кыс Монгуш төлептиг болганнар.