Шагаан-Арыгның "Бодаган" уруглар садынга 5-7 харлыг шыдыраачылар аразынга кожуун чергелиг шыдыраа маргылдаазы болуп эрткенин ч агырга чери дыңнаткан.
Маргылдаага 12 бичии шыдыраачы угаан оюнунга киржип, удурланыкчыларынга дүжүп бербес дээш кызып ойнааннар. Бичии ойнакчыларның оюнун гимназияның башкызы Мерген Тюлюш шииткекчилеп эрттирген.
Кожуун чергелиг шыдыраа маргылдаазынга Арыг-Үзүү суурнуң "Теремок", Шагаан-Арыгның "Хүнчүгеш", "Тоол", "Бодаган" уруглар садтарының шыдыраачылары идепкейлиг киржип, шаңнал-макталды алган.
Тываның Баштыңы Владислав Ховалыгның грант деткимчези-биле «Уруглар садтарынга – шыдыраа» төлевилели боттанып эгелээнин сагындыраал.
Улуг-Хем кожууннуң уруглар садтары моон-даа соңгаар ук төлевилелди боттандырып, бичии шыдыраачыларны илередир.