Хөй чылдарда шылгараңгай күш-ажылы-биле Улуг-Хем кожууннуң социал-экономиктиг хөгжүлдезинге улуг үлүг-хуузун киирген ажыл-ишчилеринге юбилейлиг медальдарны тывысканын чагырга чери дыңнаткан.
Кожуун чагыргазының даргазы Э.Л. Мандан-оол, Төлээлекчилер хуралының даргазы А.М. Кара-Сал төрээн чурттунга бараан болуп чоруур хүндүлүг хоочуннарның ажыл-ижин демдеглеп, "Улуг-Хем кожууннуң 100 чылы" юбилейлиг медальдарны байырлыг байдалга тывыскан.
Шагаан-Арыг хоорайның мал-маган тудуп турар чурттакчыларының малын кадарып чоруур көдээ ажыл-агыйның хоочуну Валерий Демир-оолович Ойбаа, Хөлчүктен эгелээш, Торгалыг суурнуң ном саңынга шылгараңгай ажылдап чораан ном саң системазының хоочуну Кимаа Очур-ооловна Тулуш, бүгү назынында баш таарыкчызы мергежилинге шынчы болуп, ажылдап чоруур Мария Суворовна Ортун-оол оларны шаңнап-мактаан.