Чаа чыл уткуштур тускай шериг операциязында киржип турар чаңгыс чер чурттугларывыска республиканың малчыннары үш тонна эътти чоруткан.
Улуг-Хем кожуундан «Ырлыг-Булак» кызыгаарлаан харыысалгалыг ниитилелдиң удуртукчузу Мира Кыргыс 13 баш шээр малдың коң эъдин, «Ногаан», «Эзир» көдээ ажыл агый кооперативтериниң удуртукчулары Сергей Спирин биле Валентин Соколов 255 кил доңурган балыкты хүлээдип, үлүг-хуузун кииргенин чагырга чери дыңнаткан.
Тываның энерел сеткилдиг чону чаңгыс демин көргүзүп, чылыг хепти, чажыртынып шыптынар четкилерни, эм-таңны, чынныр болгаш техниктиг дериг-херекселдерни, суугуларны, машина-техниканы болгаш оон-даа өске чугула херек чүүлдерни чоруткан.