Бөгүн Тываның Чазаанга, ТР-ниң Чазак даргазының оралакчызы Елена Хардикованың удуртулгазы-биле, “Улусчу картофель” төлевилелди күүседириниң айтырыгларынга семинар-хурал болуп эрткен.
Тыва Республиканың Баштыңы Владислав Ховалыгның даалгазы езугаар, 2022 чылдың апрель 1-ден Тывага “Улусчу картофель” губернатор төлевилели ажылын эгелээр.
Тыва Республиканың Чазааның хөй ажы-төлдүг болгаш эвээш орулгалыг өг-бүлелерни деткээн кризиске удур хемчеглериниң бирээзинге “Улусчу картофель” төлевилел хамааржыр.
Хуралга республиканың чазаанда төлевилелдер ажыл-чорудулгазының талазы-биле эргелелдиң начальниги Чечек Артна, күш-ажыл болгаш социал политика сайыдының оралакчызы Чечена Дудуп, көдээ ажыл-агый болгаш аъш-чем сайыдының оралакчызы Владимир Алдачи, саң-хөө сайыдының оралакчызы Ирина Орлова боттуг арга-сүмелерни берген.
Онза хереглелдиг хөй ажы-төлдүг база эвээш орулгалыг өг-бүлелерге картофель үрезинин болгаш “борщ түүн” дамчыдып бээри – төлевилелдиң сорулгазы.
Төлевилелди ТР-ниң Күш-ажыл блгаш социал политика яамызы, ТР-ниң Көдээ ажыл-агый болгаш аъш-чем яамызы удуртуп, хайгаараар болза, кожууннар болгаш хоорайлар чагыргалары – ооң кол күүседикчилери.
ТР-ниң Күш-ажыл яамызының 2022 чылдың январь 1-ниң сан-чурагайлары-биле алырга, республикада шупту 85 330 өг-бүле бар, оларның 22,3 хуузу, азы 19025-и эвээш орулгалыг өг-бүлелерге санадыр.
Муниципалдыг тургузугларның дотация акша-хөреңгизи-биле “Улусчу картофель” төлевилелге киржир эвээш орулгалыг 12355 өг-бүлеге картофель үрезинин үлээри көрдүнген. Республика бюджединден 8,7 сая рубльди ол сорулгага тускайлаан.
Тыва Республиканың Баштыңы Владислав Ховалыгның даалгазы езугаар, 2022 чылда «Социал картофель» база «Өреге бүрүзүнге – картофель» төлевилелдерни «Улусчу картофель» деп чаңгыс губернатор төлевилели кылдыр катканын сагындыраал.
Владислав Ховалыг: «Комплексный план энергоснабжения Тувы в действии»
В Туве реализуется комплексный план энергоснабжения инвестиционных и социальных объектов, который устранит проблемы энергодефицита региона.