Тываның гуманитарлыг болгаш тускай социал-экономиктиг шинчилелдер институдунуң директору Вячеслав Март-оол институттуң ажылдакчылары тускай шериг операциязында киржип турар дайынчыларга эргежок херек чажыртынып шыптынар четкилерни кылып турарын дыңнаткан.
– Дайынчы хөделиишкиннер шөлдеринде шериглеривис “чажыртынар” четкилер-биле чурттап турар черин, машина-техниказын, шериг объектилерин шып алырга, эскертинмес болуп, камгалаарынга улуг дузалыын чугаалап турар.
«Улусчу полктуң» Тывада удуртукчузу Александра Саая-Шагировага чугула ажылды башкарып турары дээш четтирдивис – деп, Вячеслав Март-оол демдеглээн.
Тускай шериг операциязында киржип турар дайынчыларга дуза кадар күзелдиг улус дараазында адресче кээп болур: Кызыл хоорай, Кочетов кудумчузунда 30 дугаар бажың.
Улусчу полк: Чажыртынып шыптынар четкилер чугула херек
24 июля 2024
14