Тыва дыл хүнүнге тураскааткан орус болгаш делегей поэзиязындан тыва дылче очулдурган шүлүктерниң уран номчулга дизииниң киржикчизи – Чаа-Хөл кожууннуң культура бажыңының методизи Марина Чондан.
Уран номчулга дизии октябрьның 25-ке чедир болурун Национал школа хөгжүдер институт дыңнаткан. Түңнелдерин ноябрь айда үндүрер.
Киржикчилерге:
- Национал школа хөгжүдер институттуң ВК-да бөлүүнче кирип алыр (https://vk.com/irnsh).
- Бистиң бижилгевисти бодуңар арныңарже салыр силер.
- Уран номчулга дизииниң үезинде бодуңарның арныңарны ажык арттырар силер.
Чүнү кылыр бис:
- Орус болгаш делегей поэзиязындан тыва дылче очулдурган шүлүктерни шилип тывар.
- Вконтакте социал четкизинге (бодуңарның хууда арныңарга азы албан чериниң арнынга) силерге таарышкан шүлүктүң уран номчулгазын бижиткен видеороликти #очулга деп хештег-биле салыр.
Эң-не хөй лайк (көрүлде-демдек) алган 10 видеоролик финалче үнер. Социал четкиниң арнын көрүп кирген кижилер октябрь 31-ге чедир тиилекчини болгаш 2-ги, 3-кү черлерге төлептиглерни тодарадыр. Тиилекчиге көрүкчүлерниң шаңналын тыпсыр.
Уран номчулга дизиинге күзелдиг кижи бүрүзү назы-хар барымдаалавайн киржип болур.
Шаңналдыг черлерже октябрьның 25-ке чедир чоруткан видеороликтер кирер.
