Сүт-Хөл кожууннуң уругларның үлегер-майыктың ном саңынга Тыва дыл хүнүн уткуштур «Тыва дылым – төрээн дылым» деп уран номчулга хүнү болуп эрткен.
Кожууннуң чеди сумузундан уруглар болгаш оолдар тыва чогаалчыларның база боттарының бижээн шүлүктерин чыылганнарга номчаан.
Уран номчулганы кожууннуң чагыргазының, өөредилге эргелелиниң, Черлиг-оол Куулар аттыг төп ном саңында тургустунган «Сүт-Хөлдүң чалгыглары» чечен чогаал каттыжыышкынының база уругларның үлегер-майыктың ном саңының ажылдакчылары демнежип эрттирген.
Хемчегнин кол сорулгазы – уругларга чечен чогаал каттыжыышкын тургузары. 2024 чылдын февраль айда ук катыжыышкынны ажыдар шиитпир хүлээп алдынган.
Чогаалга сонуургалдыг, бот чогаал бижип чоруур уруглар бары өөрүнчүг болганын ном саңы демдеглээн. Тыва дыл болгаш чогаал башкылары база улуг сонуургал-биле идепкейлиг киришкеннер.
Кожууннуң төпчүткен ном саң системазының ажылдакчылары тыва дылды нептередиринче болгаш камгалап арттырарынче улгандырган ажылды доктаамал чорудуп турар. Ном саңы уран номчулга хүнүнүң киржикчилеринге өөрүп четтиргенин илереткен.
