Кызылдың немелде өөредилге төвүнге «Ус-шеверлерниң хоорайы» мөөрей болуп эрткенин ТР-ниң Өөредилге яамызы дыңнаткан.
Элээди ус-шеверлер боттарының онзагай ажылдарын камгалаан. Киржикчи бүрүзү ажылынче сагыш-сеткилиниң кезиндээн киирип, чогаадыкчы, уран-шевер чоруун көргүскен.
«Хоорай чергелиг мөөрейниң киржикчилеринге, элээди ус-шеверлерге болгаш немелде өөредилгениң башкыларынга, идепкейлиг киржилгези, сонуургалы, чогаадыкчы ажыл-ишке хандыкшылы дээш четтиргенивисти илереттивис. Уругларның ажылдары ханы ужур-утканы илеретпишаан, уран-шевери-биле ылгалган» – деп, мөөрейниң жюри кежигүннери демдеглээн.