Тываның школа назыны четпээн уругларның өөредилге албан черлеринде «Уруглар садтарында хүреш» төлевилелин боттандырар ай чоруп турар ТР-ниң Өөредилге яамызы дыңнаткан.
Февраль 27-ге чедир республиканың уруглар садтарынга тыва хүреш маргылдаазын эрттирер. Ол ышкаш немелде өөредилге төптериниң күш-культура талазы-биле инструктор башкыларга өөредилге-методиктиг семинарлар база бедик дужаалдыг мөгелер болгаш спортчулар-биле ужуражылгалар чоруп турар.
«Уруглар садтарында хүреш» төлевилел шыырак, салым-чаяанныг бичии мөгелерни тып илередип, тыва хүреш оюнун сайзырадырынга идигни бээр.
