Сүт-Хөл кожууннуң «Сайзанак» уруглар садынга болгаш Суг-Аксының Тыва эки турачылар аттыг ортумак школазынга Национал школа хөгжүдер институттуң ажылдакчылары Альбина Монгуш, Азияна Саая, Снежана Ондар, Чочагай Хомушку, Начын Монгуш база Артыш Монгуш ажылын чорутканын институт дыңнаткан.
Школа назыны четпээн болгаш 1 класстан 9 класска чедир өөреникчилерниң төрээн (тыва) дылының ажыглалын, тыва дылдың башкылаашкынының деңнелин база шынарын илередир план езугаар мониторинг ажылы доозулган.
Төрээн дылынга ырлап, ойнап, шүлүктеп турар уруглар садындан чаштар школага кээп, ону дам-на сайзырадып, быжыглап ап, боттарының төрээн дылында харылзажып турарлар.
Институттуң удуртулгазы кижизидикчи башкыларга, школа башкыларынга болгаш ада-иелерге четтиргенин илереткен.
